ءبىر جىل بويى وبلىستا "شىعىس – ادالدىق الاڭى" جوباسى قارقىندى  جۇمىس ىستەۋدە. ونىڭ نەگىزگى ماقساتى تۇرمىستىق سىبايلاس جەمقورلىقتى جويۋ جانە ازاماتتار ءۇشىن قولايلى جاعداي جاساۋ. بۇل جونىندە قوعامدىق كەڭەس وتىرىسىندا باياندالدى.

"شىعىس – ادالدىق الاڭى" – باسشىلاردىڭ جەكە جاۋاپكەرشىلىگىن كۇشەيتۋگە، حالىق ءۇشىن قولايلى جاعداي جاساۋعا جانە قوعامدىق باقىلاۋدى قاتاڭ ۇستاۋعا مۇمكىندىك بەرەتىن بىرەگەي جوبا. جوبالىق كەڭسەنىڭ قىزمەتى مەملەكەتتىك قىزمەت كورسەتۋ، ءبىلىم بەرۋ، دەنساۋلىق ساقتاۋ، حالىقتى الەۋمەتتىك قورعاۋ، ساۋلەت، قالا قۇرىلىسى، جەر قاتىناستارى، مەملەكەتتىك كىرىستەر، قۇقىق قورعاۋ جانە سوت ورگاندارى ماسەلەلەرىنە قاتىستى.

ءوز قالاسىنا، اۋدانىنا، اۋىلىنا نەمەسە كەنتىنە نەمقۇرايلى قارامايتىن كەز كەلگەن ق ر ازاماتى وسى جوبانىڭ قاتىسۋشىسى بولا الادى.

كەزدەسۋ بارىسىندا اتاپ وتكەندەي، جوبانىڭ مىندەتى تەك پروبلەمالىق ماسەلەلەردى كوتەرۋ عانا ەمەس، ورىنداۋشىلاردى سىنعا سالۋ، سونداي-اق شەشىمدى ىزدەۋ جانە قالىپتاسقان جاعدايدى تۇزەتۋگە قاتىسۋ بولىپ تابىلادى.

– جوبا وتكەن جىلدىڭ قاراشا ايىنان باستاپ جۇزەگە اسىرىلۋدا. بىزدە ساراپتامالىق كەڭەس جۇمىس ىستەيدى.  سەمەيلىكتەر ءارقاشان  باسەكەگە قابىلەتتى. جوبالىق باسقارۋ بىزگە "Nur Otan" پارتياسىن جانە جۇرتشىلىقتى جانە اتقارۋشى بيلىك ورگاندارىن بىرىكتىرۋگە مۇمكىندىك بەرەدى. الەۋمەتتىك جەلىلەردىڭ مونيتورينگى، كوپتەگەن اقپاراتتىق كونتەنت جۇرگىزىلۋى ءتيىس. ءبىز بىر-بىرىمىزبەن ءوزارا ءىس-قيمىل جاساۋعا ءتيىسپىز، – دەدى شاعىن جانە ورتا بيزنەستى دامىتۋ جونىندەگى جۇمىس ساراپتامالىق توبىنىڭ جەتەكشىسى ەلەنا بەرەزينسكايا ءابىلوۆا

جوبانىڭ جارعىسىندا ءۇش بلوك جازىلعان. ولاردىڭ ءبىرىنشىسى ءبىلىم بەرۋ، دەنساۋلىق ساقتاۋ، الەۋمەتتىك سالاعا قاتىستى.ساۋلەت، تۇكش، اۋىل شارۋاشىلىعى، جەر قاتىناستارى، مەملەكەتتىك كىرىس ورگاندارى، سوت جانە قۇقىق قورعاۋ ورگاندارىنا قاتىستى. ەكىنشى بلوك قوعامدىق باقىلاۋدى جۇزەگە اسىرۋعا، قوعامدىق باقىلاۋدىڭ ينتەراكتيۆتى كارتاسىنا، مەملەكەتتىك ساتىپ الۋ مونيتورينگىنە جاۋاپ بەرەدى. ءۇشىنشى بلوك – سىبايلاس جەمقورلىققا قارسى مادەنيەتتى قالىپتاستىرۋ، سىبايلاس جەمقورلىققا قارسى ءبىلىم بەرۋ جانە اقپاراتتىق جۇمىس ءۇشىن ارنالعان.

قالا اكىمى ەرماك ءسالىموۆ، اتاپ وتكەندەي جاقىندا سەمەيدە جوبالىق كەڭسە ءوز جۇمىسىن باستادى.

وتىرىس بارىسىندا سەمەي قالاسىنىڭ ءبىلىم ءبولىمىنىڭ باسشىسى ناتاليا فەسەنكو مەكتەپ اسحانالارىن جاڭارتۋ تۋرالى ايتتى.

– بيىل 66 مەكتەپكە 46 مەكتەپ اسحاناسىن جاڭارتۋدى جوسپارلاپ وتىرمىز. جاڭا جابدىقتارى بار مەكتەپ اسحانالارى بۇعان جاتپايدى. ياعني، جاڭا مەكتەپتەردە مۇنى جاساۋدىڭ قاجەتى جوق. سونداي-اق، شالعاي اۋىل مەكتەپتەرى دە قامتىلماق. ەندى ءبىز كەلەسى كەزەڭگە كوشەمىز. قوعامدىق كەڭەس پەن قارجى ءبولىمى مۇشەلەرىنىڭ قاتىسۋىمەن كوميسسيا قۇرىلادى. ولار مەكتەپ دايىنداعان اقاۋلى اكتىلەرگە باعا بەرەدى، – دەدى ناتاليا فەسەنكو.

ساراپشىلار ءبىلىم  ءبولىمىنىڭ نازارىن وسكەمەننىڭ اتالعان جۇمىس بويىنشا ءساتسىز اياقتالعان جۇمىسىنا اۋدارتتى.

– وسكەمەننىڭ تاجىريبەسىن تولىق زەرتتەڭىز. مەكتەپ اسحانالارىن جاڭعىرتۋ-بۇل ەڭ الدىمەن وندىرىستىك جانە تەحنولوگيالىق مەنەدجمەنت ەكەنىن ءتۇسىنۋىڭىز كەرەك. بۇل جوندەۋ ەمەس.   مۇندا قوعام مەن اتا-انا الەۋەتىن تارتۋ ۇلكەن جانە جاقسى ءرول اتقارا الادى. بيزنەس-ۇدەرىستە ورىندالعان جۇمىستاردىڭ اكتىلەرىنە ادام سانى بويىنشا ەمەس، تاعام سانى بويىنشا قول قويىلۋى ءتيىس. مۇندا تەحنيكالىق تاپسىرمانى دۇرىس جاساۋ وتە ماڭىزدى. وسكەمەن تەحنيكالىق تاپسىرماسىز جۇمىس ىستەي باستادى. سوندىقتان دا ءقازىر ۇلكەن ماسەلەلەر بار، – دەپ ەسكەرتتى شاعىن جانە ورتا بيزنەستى دامىتۋ جونىندەگى ساراپتامالىق جۇمىس توبىنىڭ جەتەكشىسى ەلەنا بەرەزينسكايا ءابىلوۆا.

سەمەي قالاسىنىڭ اقپاراتتىق ورتالىعى